andolan banam rajneeti

ek taraf bharat jaha vikas sheel desho ki shreni me aage badta ja raha hai , wahi dusri taraf ek kadvi sachayi ke rup me bharat me mahngayi ,bhrashtachar aur berojgari kali nagin ki tarah se pure desh me apna jahar faila rhi hai,itni mahngayi aur lagatar badte jaruri cheejo ke damo ne aam adami ka jeena muhal kar diya hai aur aise me jab rajneetic aur prashshnik shetro se bhrashtachar ki khabare aati hai to aam aadami khoon ke ansu peekar rah jata hai ,apni is bebasi aur lachari me wo kya kare ye uski samjh se pare hai jabki uske liye apne liye ek waqt ki roji roti jutana muhal ho gaya hai ,aise me ek roshni ki kiran bankar aaye anna hajare ,jinhone ne apni team ke sath milkar is desh ki janta ko ek sapna dikhaya ,sapna tha bhrashtachar mukt desh ka aur ek shashkt lokpal bil ko kanuni rup dekar bharshtachario ko hawalat ke darshan karwane ka ,anna hajare ke is andolan ki shuruaat ne logo ki dukhti rag par jaise koi malham ka kam kar diya ,har koi jaise utsahit ho gaya ,garib se garib aur amir se amir har adami apni shakti ke anusar apna yogdan dene ke liye pahuch gaya anna ke is andolan rupi yagya me ,jis garib ko apni roti ke alwa kuch dikhayi nhi deta wo bhi apni bhukh ki fikar chodkar is andolan me shamil ho gaya ,sab logo ko bs yahi lag raha tha ki ek bujurg jise apni sehat ki koi fikar nhi hai aur jo deshwasiyo ke liye aapni jaan jokhim me dalakar is desh ka bhala karne chala hai to kyu na ham bhi isme uska sath de,is andolan ko asafal karne ke kitne prayas kiye gaye parantu janta ke atut utsah ne aur uske sath ne sarkar ki bhi himmat ko muhtod jawab de diya , sarkar ne apni dam lagakar jaha tak ho saka is lokpal bill ke mudde ko talne ki bharsak koshish ki ,9 august ko anna ne fir se apni team ke sath apna jor lagaya aur fir se janta ne wahi sath diya jo usne pahle diya tha ,is bar anna ji ne kaha ki wo marte dam tak apne irado par ade rahege aur jab tak sarkar lokpal bill parit nhi karti tab tak wo apna anshan nhi todege ,par achanak se unhone apna faisla badal diya aur ye ghoshna ki ,ab wo rajneeti ki keechad ko saf karne ke liye khud keechad me utrege aur tabhi uski safayi karke is desh ko bharshtachar mukt banayege ..........to kya yahi maksad tha team anna ka janta ko itne sapne dikhaye ,unse jo wade kiye unhe apne sath joda ,har aam adami ne unka sath diya bina apne bhukh aur jeevan ki parwah kiye hue ,kye ye dhokha nhi hai desh ki janta ke sath ,agar keechad ki safayi keechad me utarkar hi karni thi to pahle hi utar jana tha kyuki aisa nhi hai ki is desh ki rajneeti me kuch ache logo ki kami ho ,mana ki bure bahut hai par unme kuch log aaj bhi ache hai kya team anna unka sath lekar pahle hi is rajneeti ke keechad ko saf karne ka prayas nhi kar sakti thi to fir ye andolan ka dhong kyu kiya gaya ya fir samay ke sath team anna ne bhi rajneeti ka swad chakh liya hai ... khair dekhte hai ki team anna aur anna hajare rajneeti ke keechad ko bina khud par keechad lagaye kaise saf karte hai ,jay hind